بجنور:ٹائر پھٹنے سے اناج سے بھرا ٹرک پلٹ گیا

بجنور میں ٹائر پھٹنے سے اناج سے بھری گاڑی ڈی سی ایم پلٹ گئی، کوئنٹلوں اناج زمین پر بکھر گئے، کافی مشکلات کے بعد مزدوروں نے اناج کو سمیٹ کر گاڑی میں رکھا۔

ریاست اترپردیش کے ضلع بجنور کے تھانہ نگینہ کے این ایچ 74 پر تیزرفتار اناج سے بھری ڈی سی ایم گاڑی اچانک ٹائر پھٹنے سے پلٹ گئی۔

اس حادثہ کے بعد کونٹلوں اناج سڑک کنارے بکھرگیا، گاڑی کے پلٹنے سے رتن سنگھ ڈرائیور و حکم سنگھ ہیلپر کو چوٹیں آئی ہیں۔

گاڑی مالک سعید احمد نے بتا یا کہ' ڈی سی ایم گاڑی جسپور اناج منڈی سے گیہوں بھر کر لا رہی تھی جسے بجنور کے نگینہ میں اناج اتارنا تھا لیکن اسی بیچ یہ حادثہ ہوگیا-