'قربانی میں دکھاوا اللہ کو پسند نہیں ہے'

اترپردیش کے بارہ بنکی اسٹیشن والی مسجد کے امام مولانا مفتی فیصل ظہیر قاسمی نے ای ٹی وی نمائندہ سے خصوصی بات چیت میں مسلمانوں سے ایپل کی ہے کہ وہ دکھاوا کے لئے نہیں بلکہ اللہ کی راہ میں قربانی کریں، جانور کو ذبح کرتے وقت فوٹو نہ لیں اور نہ ہی سوشل میڈیا پر اسے شیئر کریں۔

ذی الحجہ کا مہینہ اسلامی کلینڈر کے مطابق سال کا آخری ماہ ہوتا ہے۔ اس مہینے میں انسان اپنی استطاعت کے ساتھ اللہ کی راہ میں قربانی کا جانور پیش کرتے ہیں۔ یہ باتیں بارہ بنکی ریلوے اسٹیشن کی مسجد کے امام قاضی مفتی فیصل ظہیر قاسمی نے نمائندہ ای ٹی وی بھارسے خصوصی بات چیت میں کہی۔

ای ٹی وی بھارت سے گفتگو کے دوران فیصل ظہیر قاسمی نے بتایا کہ قربانی سے قبل کے 10 ایام برکت کے ہیں۔ اس میں اللہ رب العزت کی برکتیں ایمان والوں کی طرف نازل ہوتی ہیں۔ جو لوگ حج پر نہیں جاتے ہیں اور وہ قربانی کے خواہاں ہیں، تو اہنے ناخون اور بال وغیرہ نہ کاٹیں۔ ان دس دنوں کی عبادت اللہ کو کافی پسند ہیں۔ قربانی کے عمل میں فضول خرچی بلکل نہیں ہونی چاہیے، قربانی کی فوٹوگرافی بالکل غلط ہے۔

جو لوگ جانور قربان کرتے ہیں، اس کا گوشت یا خون اللہ تک نہیں پہنچتا ہے۔ اللہ تک انسان کا اخلاص اور تقویٰ پہنچتا ہے۔