ریاست اتر پردیش کے بارہ بنکی کے بنکی بلاک کے کھمریہ گاؤں کے جونیئر ہائی اسکول میں حجاب کوئی مسئلہ نہیں ہے۔ یہاں مکمل طور سے آف لائن کلاسیز شروع ہو چکی ہیں۔ اس وقت سے یہاں کثیر تعداد میں لڑکیاں حجاب میں آ رہی ہیں۔
بارہ بنکی:پرائمری اسکول میں برسوں سے حجاب میں آرہی لڑکیاں
یہ لڑکیاں کووڈ-19 سے قبل جب اسکول کھلتا تھا۔ اس وقت سے برابر حجاب میں آ رہی ہیں۔ اسکول میں مسلمانوں کے ساتھ دیگر مذاہب کی لڑکیاں بھی زیر تعلیم ہیں، لیکن ان کے حجاب پہننے پر انہیں کوئی اعتراض نہیں ہے۔
اسکول کی ہیڈ ٹیچر نے بتایا کہ یہاں حجاب کے سلسلے میں کسی بھی قسم کی کوئی ہدایات نہیں ہیں۔ لڑکیاں یونیفارم کے اوپر حجاب میں برسوں سے آ رہی ہیں۔ اس سیشن میں بھی وہ حجاب پہن کر آ رہی ہیں۔
