اترپردیش میں ضلع دیوریا کے ترکولوا علاقے میں اتوار کے روز زمین کے تنازعہ کی پنچایت کے دوران مخالف فریق نے ایک لڑکی کو چاقو مار قتل کردیا اور اس کے والد کو شدید زخمی کردیا۔
پولس ذرائع نے بتایا کہ ترکولوا علاقے کے شاہ پور پورینی گاؤں میں وکرم گونڈ اور شیو اوتار گپتا کے درمیان کافی عرصے سے زمین کا تنازعہ چل رہا تھا۔ اس معاملے کے حل کے سلسلے میں وکرم گونڈ کے گھر کے دروازے پر دونوں فریقوں کی پنچایت چل رہی تھی۔ پنچایت کے دوران دونوں فریقوں کے مابین کسی بات پرلڑائی ہوگئی۔
یہ بھی پڑھیں: بابری مسجد کیس: 1528 تا 2017 کے درمیان کیا ہوا؟
الزام لگایا گیا ہے کہ لڑائی کے دوران شیو اوتار گپتا کا بیٹا رامبروسا چاقو لے کر پہنچا اور وکرم گونڈ اور اس کی بیٹی کاجل (20) پر حملہ کردیا۔ اس واقعے میں کاجل کی موت ہو گئی جبکہ اس کے والد وکرم گونڈ شدید زخمی ہو گئے۔ زخمی وکرم کو اسپتال بھیج دیا گیا ہے۔
ادھر پولیس سپرنٹنڈنٹ شریپتی مشرا نے بتایا کہ اس معاملے میں ملزموں کو حراست میں لیا گیا ہے۔ پولس معاملے کی چھان بین کر رہی ہے۔
