بین ضلعی گاڑی چور گروہ کے 4 اراکین گرفتار

اترپردیش کے ضلع بہرائچ میں پولیس نے بین ضلعی گاڑی چور گروہ کے چار اراکین کو گرفتار کر کے ان کے قبضے سے 10 موٹر سائیکل برآمد کی ہیں۔

سپرٹنڈنٹ آف پولیس ڈاکٹر وپن کمار مشرا نے آج یہاں بتایا کہ قبضہ نانپارہ میں چیکنگ کے دوران پولیس کو الطاع ملی کی گاڑی چور عرفان اپنے ساتھیوں کے ساتھ چوری کی موٹر سائیکلوں کو فروخت کرنے کے لیے جگناتھ پور کے راستے نیپال کی طرف جانے والا ہے۔
انہوں نے بتایا کہ اطلاع کی بنیاد پر جگناتھ پور گاؤں سے پہلے نہر کنارے چیکنگ کےدوران موٹر سائیکل سواروں کو روک کر چیکنگ کیے جانے پر سبھی کے پاس فرضی دستاویزات ملے۔ سختی سے پوچھ گچھ کرنے پر چاروں ملزمین نے بتایا کہ ہم لوگ مختلف اضلاع سے موٹر سائیکل کی چوری کرتے ہیں اور گاڑیوں کے دستاویزات میں ردوبدل کر کے نیپال و دیگر جگہوں پر فروخت کر دیتے ہیں۔
مسٹر مشرا نے بتایا کہ گرفتار ملزمین میں عرفان عرف غفران، مجیب، یاسین علی اور پروین شامل ہیں۔ گرفتار ملزمین کو جیل بھیج دیا گیا ہے۔