ریاست اترپردیش کے دارالحکومت لکھنؤ میں ای ٹی وی بھارت کے نمائندے نے وائس پرسیڈنٹ اینڈ ریجنل ڈائریکٹر ایشیا سے بات چیت کی ہے، جس میں انہوں نے کہا کہ کچھ بچوں کے پیدائشی طور پر ہونٹ کٹے ہوتے ہیں، جو انہیں زندگی بھر پریشان کرتے ہیں۔
انہوں نے کہا کہ اگر والدین بیداری ہوں، تو اس کا علاج ممکن ہے اور کامیاب بھی، جس سے آپ کا بچہ بھی مسکرا سکتا ہے۔
انہوں نے مزید کہا کہ سبھی والدین کی خواہش ہوتی ہے کہ ان کا بچہ خوبصورت اور صحت مند پیدا ہو، لیکن کچھ بچوں میں قدرتی طور پر خامیاں ہوتی ہیں۔ جس کی وجہ سے وہ زندگی بھر کے لیے پریشانی ہوجاتے ہیں۔
وائس پرسیڈنٹ اینڈ ریجنل ڈائریکٹر ایشیا، ممتا کریل نے کہا کہ 'اسمائیل ٹرین انڈیا' ملک کی سب سے بڑی غیرسرکاری تنظیم (این جی او) ہے جو اس کام کے لیے (سی اسمائیل ٹارچ) کے نام سے بیداری مہم چلارہا ہے، جس کا مقصد ہے کہ جن کے بچوں کے ہونٹ پیدائشی طور پر کٹے پھٹے ہوں، ان علاج کیا جاسکے۔
انہوں نے کہا کچھ والدین اپنے بچوں کا علاج کرانا چاہتے ہیں، لیکن پیسہ اور وسائل مہ ہونے کی وجہ سے خاموش رہتے ہیں، اور ایسے ہی والدین کی مدد کرنا اس این جی او کا مقصد ہے، تاکہ ان بچوں کے ہونٹوں پر بھی مسکان آسکے۔
انہوں نے بتایا کہ یہ این جی او ایسے بچوں کا مفت علاج کرواتا ہے اور ان والدین کو ہسپتال آنے جانے رہنے اور کھانے پینے سبھی طرح کی سہولت مفت فراہم کراتی ہے۔
اسمائیل ٹرین انڈیا کا ملک بھر کے 160 ہسپتال سے معاہدہ ہے، جہاں پر ایسے پریشان حال بچوں کا مفت علاج کیا جاتا ہے، تاکہ یہ بچے بھی دوسرے بچوں کی طرح ہنس اور بول سکیں۔
