اتر پردیش کے ضلع مرزاپور کے لال گنج پولیس تھانہ حلقہ کے تحت نواڈیہ گاؤں میں ایک پندہ سالہ نابالغ لڑکی نے چھیڑ خاتی سے پریشان ہوکر خود کو آگ لگا کر خودکشی کر لی۔
ملزم کی شناخت ابھی تک نہیں ہوئی ہے۔
مہلوک کے لواحقین نے الزام لگایا ہے کہ محلے کا ایک نوجوان روزانہ نابالغ لڑکی کے ساتھ چھیڑخانی کرتا تھا۔
ذرائع کے مطابق مہلوک کو مبینہ طور پر ملزم نوجوان کے ذریعہ مسلسل ہراساں کرنے کے باعث اس نے خودکشی کا قدم اٹھایا۔
اطلاعات کے مطابق نوجوان لڑکا فحش تبصرے کرکے لڑکی کو مبینہ طور پر ہراساں کرتا تھا۔
منگل کے روز گھر واپس آنے کے بعد نابالغ متاثرہ لڑکی نے خود پر مٹی کا تیل ڈالا اور خود کو آگ لگا دی۔ اسے مرزاپور کے سرکاری اسپتال لے جایا گیا لیکن بعد میں وہ زخموں کی تاب نہ لاکر ہلاک ہو گئی۔ معاملے کے متعلق پولیس نے مقدمہ درج کرلیا ہے۔
