اترپردیش کے بارہ بنکی میں آج پولیس تصادم میں فرار سمگلر کو پولیس نے 24 گھنٹوں کے درمیان ہی گرفتار کرلیا ہے۔ پولیس نے ملزم کے پاس سے 300 گرام مارفین اور 70 ہزار روپے نقد برآمد کرنے کا دعوی کیا ہے۔
پولیس نے دعویٰ کیا ہے کہ یہ شخص جھارکھنڈ سے منشیات کا کچا مال لاتا تھا اور اسے مارفین میں تبدیل کرکے دہلی تک سپلائی کرتا تھا۔
بدھ کو اے ایس پی ساؤتھ منوج کمار پانڈے نے پریس کانفرنس کے دوران بتایا کہ بدھ کو تصادم میں فرار ملزم کی گرفتاری کے لیے خصوصی ٹیم تشکیل دی گئی تھی۔
واضح رہے کہ پولیس کی اس ٹیم کو 24 گھنٹوں کے درمیان کامیابی ہاتھ لگی اور اس ٹیم نے فرار ملزم کو زیدپور قصبے میں بائی پاس تراہے کے پاس سے گرفتار کیا ہے۔
انہوں نے بتایا کہ ملزم کی مکمل تلاشی کے دوران اس کے پاس سے 300 گرام مارفین اور 70 ہزار روپے نقد برآمد ہوئے ہیں۔
پولیس کے مطابق پوچھ گچھ میں ملزم نے بتایا کہ شتروگھن نام کا شخص جھارکھنڈ سے مال لاکر ریاست کے متعدد اضلاع سمیت دہلی تک سپلائی کرتا تھا۔
اخلاق نے اعتراف کیا کہ منگل کی صبح وہ شتروگھن کے ساتھ مال لیکر آ رہا تھا تو اس وقت پولیس نے اسے روکا تھا، جس کے بعد اس نے اور شتروہن نے پولیس پر فائرنگ کی تھی، تاہم وہ اس طرح فرار ہونے میں کامیاب ہو گیا تھا۔
