گیس سلینڈر میں دھماکہ، 12 ہلاک

اترپردیش کے ضلع مؤ میں گیس سلینڈر میں زبردست دھماکہ ہوگیا، دھماکہ اتنا بھیانک تھا کہ دومنزلہ مکان منہدم ہوگیا ، جس میں 12 افراد ہلاک اور 15 زخمی ہوگئے۔

اترپردیش کےضلع مؤ کے محمدآباد میں واقع ایک رہائش گاہ میں پیر کی صبح گیس سلینڈر میں دھماکہ ہوگیا، دھماکہ اتنا خطرناک تھا کہ دو منزلہ مکان منہدم ہوگیا اور دس لوگوں کی موت ہوگئی جبکہ 15 افراد کے زخمی ہونے کی اطلاع ہے۔

دھماکہ کے بعد گھر ملبے کے ڈھیر میں تبدیل ہوگیا، کئی افراد کے ملبے کے اندر پھنسے ہونے کا اندیشہ ہے، راحت کاری کا عملہ بچاؤ کے کام میں مصروف ہے۔
وزیر اعلی یوگی ادتیہ ناتھ نے اس واقعہ پر گہرے رنج وغم کا اظہار کیاہے اور ضلع انتظامیہ کو ہدایت دی ہے کہ فوری طور پر راحتی اقدامات کو انجام دیتے ہوئے زخمیوں کو طبی امداد فراہم کی جائے۔