سماجوادی پارٹی کے کارکنان نے بڑی تعداد میں ضلع میں سائیکل ریلی نکالی۔ اس موقع پر سابق رکن اسمبلی سماجوادی پارٹی نے ای ٹی وی بھارت سے بات کرتے ہوئے کہا کہ موجودہ حکومت سی اے اے و این آر سی میں عوام کو الجھا کر ملک کے اصل مسائل سے بھٹکا رہی ہے۔
سی اے اے اور این آر سی کے خلاف سائکل ریلی
انہوں نے کہا کہ آج ملک میں مہنگائی، بے روزگاری، کسانوں کی پریشانی جیسے اہم معاملوں پر عوام حکومت سے سوال نہ کرے اس لئے ایسے معاملے کو سامنے رکھ کر عوام کو بے وقوف بنانے کی ایک سوچی سمجھی سازش کی جا رہی ہے۔
انہوں نے مزید کہا کہ یہ این آر سی و سی اے اے قانون ملک کو بانٹنے والا قانون ہے جو کہ آئین کے خلاف ہے۔
اس موقع پر ڈاکٹر عاشق علی، پنڈت کے کے اوجھا، انور خان وارثی، محمد علی راجیس تواری، محمد افصال، محمد عیاض شاہ، شاہ عالم، محمد فیض سمیت کافی تعداد میں کارکنان موجود رہے۔
