ریاست اتر پردیش کے ضلع بارہ بنکی میں یوریا کھاد کی قلت اور کالابازاری پر سیاست شروع ہوگئی ہے۔ اس تعلق سے کانگریس پارٹی کارکنان نے ضلع مجسٹریٹ دفتر کے سامنے دھرنا دےکر گورنر کو میمورنڈم دیا۔ کانگریس پارٹی کارکنان نے انتباہ دیا ہے کہ اگر یوریا فراہمی کا مسئلہ حل نہیں ہوتا ہے تو کانگریس پارٹی احتجاج کرنے پر مجبور ہوگی۔
کانگریس پارٹی ضلع صدر محمد محسن کی قیادت میں پارٹی کارکنان نے ضلع مجسٹریٹ دفتر کے سامنے دھرنا دیا اس دوران انہوں نے یوگی حکومت کے خلاف نعرے بازی بھی کی۔ اس موقع پر ضلع صدر محمد محسن نے کہا کہ' کانگریس اس مسئلے کو سیاسی نہیں بنا رہی ہے۔ لیکن افسوسناک بات یہ ہے کہ کسانوں کے مسئلے پر بھی اعداد و شمار کی بازی گری کی جا رہی ہے۔
انہوں کہا کہ اگر یوریا کھاد دستیاب ہے تو کسانوں تک یہ کیوں نہیں پہنچ پا رہا ہے۔ وہیں کانگریس کے ریاستی ترجمان تنج پنیا نے کہا کہ' یوریا کی دستیابی کا مسئلہ صرف ضلع میں ہی نہیں ہے بلکہ پوری ریاست میں یہ پریشانی بنی ہوئی ہے۔ اس کے علاوہ کسانوں کو یوریا کھاد مہنگی قیمتوں پر دی جا رہی ہے۔
مزید پڑھیں:
آسام، بہار اوراترپردیش میں کورونا مریضوں کی تعداد کم ہوگئی
وہیں سابق رکن اسمبلی راج لکشمی ورما نے مطالبہ کیا کہ کسانوں کو اس وقت 50 فیصد سبسڈی کے ساتھ یوریہ کھاد مہیا کرایا جائے۔
