کانگریس نے کہا ہے کہ کورونا کی وبا کی تیسری لہر سے شہریوں کا کوئی نقصان نہ ہو اس کے پیش نظر پارٹی نے اترپردیش میں اگلے 15 دنوں تک کوئی بڑی ریلی نہ کرنے کا فیصلہ کیا Congress Cancels All UP Rallies ہے۔
کانگریس ترجمان گورو بلو نے بدھ کو پارٹی ہیڈکوارٹر میں پریس کانفرنس میں کہا کہ پارٹی کے جنرل سکریٹری سی وینو گوپال نے پارٹی کے ریاستی انچارجوں اور ریاستی صدور کو خط لکھ کر اپنی ریاستوں میں کورونا کے حالات کا جائزہ لینے اور اس کے مطابق انتخابی ریلی کے بارے میں فیصلہ کرنے کے لیے کہا ہے۔
اس سلسلے میں فی الحال 15 دنوں تک اترپردیش میں بڑی انتخابی ریلی Election Rally in Uttar Pradesh نہ کرنے کا فیصلہ کیا گیا ہے۔
انہوں نے کہا کہ دیگر ریاستوں میں کیا حالات ہوں گے اس کی رپورٹ آنے کے بعد ہی کوئی فیصلہ کیا جائے گا۔ اتراکھنڈ میں پرینکا گاندھی واڈرا کی ریلی کے سلسلے میں پوچھے گئے سوال پر انہوں نے کہا کہ حالات الگ الگ ہیں اور اسی حساب سے فیصلہ کیا گیا ہے۔
یہ بھی پڑھیں: PM Modi Public Rally Cancelled: کورونا نے وزیر اعظم مودی کی عوامی ریلیوں پر بریک لگایا
پنجاب اور دیگر انتخابی ریاستوں میں اترپردیش کی طرح ریلی نہ کرنے کے سلسلے میں پوچھے گئے سوال پر انہوں نے کہا کہ ابھی وہاں سے رپورٹ مانگی گئی ہے اور کورونا کے حالات کیا ہیں اس بارے میں رپورٹ آنے کے بعد ہی ریاست کی قیادت کے ساتھ مل کر فیصلہ کیا جائے گا۔
یو این آئی
