ریاست اترپردیش کے ضلع بارہ بنکی کے نگر پالیکا آڈیٹوریم میں نئے بھارت کی تعمیر کے حوالے بجٹ 21-2020 کے موضوع پر سیمینار کا اہتمام کیا گیا۔
سیمینار کا مقصد یہ ہے کہ سماج کا ہر طبقہ مرکزی اور ریاستی حکومت کے عام بجٹ کے تمام پہلوؤں کو سمجھے اور غلط فہمیوں کو دور کر سکے۔
سیمینار میں بی جے پی کارکنان کے سامنے بجٹ کے تقریبا تمام امور کو پیش کیا گیا تاکہ وہ دہہی علاقوں کے عوام کے سامنے عام بجٹ کی خصوصیات کو بآسانی سمجھا سکیں۔
اس سیمینار میں ریاستی بی جے پی کے وزیر انوپ گپتا بطور مہمان خصوصی بی جے پی کارکنان کو بجٹ کی تمام اہم امور کو تفصیل سے پیش کیا۔
ایک سوال کے جواب میں انوپ گپتا نے کہا کہ بی جے پی صرف حکومت نہیں تشکیل کرتی بلکہ یہ بھی جاننے کی کوشش کرتی ہے کہ اس کے ذریعہ کیے جانے والے کاموں سے عوام خوش ہے کہ نہیں اس لیے یہ سیمینار منعقد کیا جا رہا ہے۔
انہوں نے بتایا کہ اس سیمینار کے بعد ڈویژنل سطح پر بی کارکنان دیہی علاقوں میں گاؤں گاؤں جاکر لوگوں کو بجٹ کے تمام پہلوؤں کو سمجھائیں گے تاکہ لوگ بجٹ کو سمجھیں اور غلط فہمی دور کر سکیں۔
