ریاست اترپردیش کے ضلع امروہہ کے پیر جی امام بارگاہ میں شیعہ برادری کی جانب سے مولانا ڈاکٹر کلب صادق کے ایصال ثواب کے لیے تعزیتی مجلس کا انعقاد کیا گیا۔
مجلس کا آغاز ڈاکٹر لعیق حیدر اور انکے ساتھیوں نے سوز و خوانی سے کیا، جبکہ ڈاکٹر احمد مرتضیٰ نے مجلس میں خطاب کیا۔
اس موقع پر ڈاکٹر احمد مرتضیٰ نے بتایا کہ مولانا کلب صادق آل انڈیا مسلم پرسنل لا بورڈ کے نائب صدر تھے، اس کے علاوہ مولانا بین الاقوامی اسلامی اسکالر،معروف شیعہ عالم دین، مبلغ اور ہندو مسلم اتحاد کے مصداق تھے۔
ڈاکٹر احمد مرتضیٰ نے کہا کہ مولانا کلب صادق کے انتقال کے بعد شیعہ برادری میں غم کی لہر دوڑ گئی ہے، اس لیے ان کے ایصال ثواب کے لیے مجلس کا انعقاد کیا جارہا ہے، ساتھ ہی مرحوم کی مغفرت کے لیے اللہ سے دعا بھی کی گئی ہے۔
مزید پڑھیں:
مولانا کلب صادق سرسید کے جانشین تھے: جماعت اسلامی
'بھارت۔ ایران ثقافتی روابط مضبوط کرنے میں مولانا کلب صادق کا ہم کردار'
