انہوں نے صحافیوں سے بات چیت کرتے ہوئے کم از کم آمدنی منصوبہ کو بے بنیاد اور فضول بتایا۔
انہوں نے گاندھی خاندان پر الزام عائد کرتے ہوئے کہا کہ ' جتنی تباہی انکے آباء و اجداد نے اس ملک کی کی ہے اتنی کسی نے نہیں کی، ایک آدھ کو چھوڑ کر سبھی نے تباہی مچائی ہے۔'
خیال رہے کہ گذشتہ دنوں کانگریس کے قومی صدر راہل گاندھی نے پریس کانفرنس سے خطاب کرتے ہوئے کہا تھا کہ' اگر کانگریس اقتدار میں آئی تو ملک سے غربت کو ختم کردے گی اور کم ازکم آمدنی منصوبے کو نافذ کرے گی۔ اس منصوبے کے تحت ملک کے ہر غریب خاندان جن کی آمدنی 6 ہزار سے کم ہے اسے پورا کرنے کے لیے حکومت سیدھے طور پر ان کی مدد کرے گی'۔
اس کے تحت سالانہ دی جانے والی 72 ہزار روپیے کی رقم خاندان کے خواتین کے کھاتے میں جمع کرائی جائے گی۔
بی جے پی کی نکتہ چینی پر کانگریس کی ترجمان پرینکا چترویدی نے منگل کو یہاں پریس کانفرنس میں وزیر اعظم نریندرمودی اور بی جے پی پر امراء کو فائدہ پہنچانے کا الزام عائد کیا۔ انہوں نے کہا کہ مسٹر گاندھی کے غریبی کا خاتمہ کرنے والے دنیا کے سب سے بڑے منصوبے کی مخالفت کررہے ہیں۔ ان کے مطابق ملک کے 25 کروڑ عوام کو فائدہ پہنچانے والی کم از کم آمدنی کی گارنٹی دینے والی اسکیم کا اعلان کرکے تاریخی کام کیا ہے۔
