بجنور: پی ایف آئی کے ارکان کی گرفتاری

بجنور میں 20 دسمبر کو سی اے اے کے خلاف ہوئے پرتشدد مظاہرے کی وجہ سے پولیس نے پاپولر فرنٹ آف انڈیا کے ممبران کو ملزم مانا ہے۔ اسی کے تحت چار پی ایف آئی کے ممبران کو پکڑ کر جیل بھیجا جا چکا ہے جبکہ پانچویں ملزم شعیب کو پولیس نے گرفتار کر لیا ہے۔

شعیب بجنور کا رہنے والا ہے جو پی ایف آئی کا رکن بھی ہے۔ 20 دسمبر کو ہوئے پر تشدد مظاہرے کے بعد پی ایف آئی کے ممبران پر پولیس کی خاص نظر تھی، اسی کے تحت پولیس نے شعیب کو موبائل سرویلانس کے ذریعے گرفتار کیا ہے۔ اس کڑی میں پولیس نے مانا کہ ضلع بجنور میں ہوئے پرتشدد مظاہرے میں پی ایف آئی کے ارکان کا اہم رول ہے۔ پی ایف آئی کے ممبران پر فنڈنگ کرنے کا الزام لگا ہے۔