بارہ بنکی: بزم رحمت کی اپیل گھروں میں منائیں عید میلادالنبی کا جشن

اترپردیش میں میلادالنبی کے جشن عوامی مقامات پر منانے سے انتظامیہ نے منع کیا ہے، اس کے مدنظر بزم رحمت نے عوام سے گزارش کی ہے کہ گزشتہ سال کی طرح امسال بھی گھروں پر جشن میلادالنبی کا اہتمام کریں اور غریبوں پر دھیان دیں۔

بارہ بنکی: ریاست اتر پردیش کے بارہ بنکی کی ملی اور فلاحی تنظیم بزم رحمت نے عوام سے اپیل کی ہے کہ وہ اس بار بھی گھروں میں ہی عید ملادالنبی کا جشن منائیں، کیونکہ انتظامیہ نے کسی بھی قسم کے جلوس کی اجازت نہیں دی ہے، ساتھ ہی بزم رحمت نے انتظامیہ سے عید ملادالنبی کے موقع پر شرپسند عناصر سے چوکنہ رہنے کا مطالبہ کیا ہے۔

بزم رحمت کے صدر حافظ عشرت علی انصاری کے مطابق عوام کا ان پر دباؤ تھا کہ وہ امسال کووڈ 19 میں ہوئے بہتر حالات کے درمیان جلوس محمدی نکلوائیں، اسی کے پیش نظر انہوں نے ضلع مجسٹریٹ اور پولیس سپریٹینڈنٹ سے ملاقات کر کے عوام کی رائے متعارف کرایا۔ لیکن انتظامیہ نے کسی بھی بڑے جلوس کی اجازت نہیں دی۔

اس لئے عوام سے اپیل ہے کہ وہ گزشتہ برس کی طرح ہی گھروں حضورﷺ کی پیدائش کا جشن منائیں اور غریبوں کی مدد کریں۔

انہوں نے انتظامیہ کو مطلع کیا کہ کچھ تنظیم انتظامیہ کو گمراہ کرنے کے لئے جلوس کی اجازت کا مطالبہ کر رہی ہیں، جبکہ ضلع میں قدیم دور سے جلوس محمدی بزم رحمت کی جانب سے نکلتا رہا ہے، اس لئے ان تنظیموں سے چوکنہ رہنے کی ضرورت ہے۔