بارہ بنکی مسجد انہدامی کیس: ہائی کورٹ نے ملزمین کی گرفتاری پر روک لگادی

الہ باد ہائی کورٹ کی لکھنؤ بنچ نے بارہ بنکی مسجد انہدامی کیس میں ملزمین کی گرفتاری پر روک لگا دی ہے۔ اسی کے ساتھ ہی ملزم کی ایف آئی آر منسوخ کرنے کے مطالبہ پر بھی عدالت نے حکومت سے تین ہفتوں میں جوابی حلف نامہ داخل کرنے کو کہا ہے۔

لکھنؤ: ہائی کورٹ کے لکھنؤ بنچ نے ضلع بارہ بنکی تحصیل رام سنیہی گھاٹ کے احاطے میں واقع مسجد قدیمی کے معاملے میں ملزم کے خلاف سخت کارروائی کیے جانے پر کورٹ نے روک لگادی ہے۔ یہ رو معاملہ کی تفتیش مکمل ہوتے تک برقرار رہے گی۔ اسی کے ساتھ عدالت نے ریاستی حکومت سے ایف آئی آر کی منسوخی کے مطالبے پر تین ہفتوں میں جوابی حلف نامہ داخل کرنے کو کہا ہے۔

یہ حکم جسٹس اے آر مسعودی اور جسٹس اجے کمار سریواستو کے ڈویژن بینچ نے ملزم مشتاق علی اور دیگر کی جانب سے درائر عرضی دیا ہے۔ درخواست گزاروں کی جانب سے یہ دلیل دی گئی تھی کہ ان کے خلاف درج ایف آئی آر میں بھی یہ واضح نہیں ہے کہ ملزموں نے کن دستاویزات میں ہیرا پھیری کی ہے۔ کہا جاتا تھا کہ مذکورہ مسجد وقف املاک کے طور پر رجسٹرڈ تھی۔ سرکاری وکیل نے اس درخواست کی مخالفت کی ہے۔ تاہم وہ عدالت کے اس سوال کا جواب نہیں دے سکے کہ درخواست گزاروں نے کن دستاویزات میں ہیرا پھیری کی ہے۔ انہوں نے کہا کہ ابھی تفتیش جاری ہے۔ اس پر عدالت نے انہیں جوابی حلف نامہ داخل کرنے کی ہدایت کی ہے۔