دو روزہ اس کھیل مقابلہ کا افتتاح ایس ڈی ایم نواب گنج ابھے کمار پانڈے نے کیا۔ اس مقابلہ کو لیکر طلبہ اور ڈگری کالج کے ٹیچرس میں خاصہ جوش نظر آیا۔
بارہ بنکی کے ڈی سنگھ بابو اسٹیڈیم میں ہونے والے اس مقابلے میں جے این ایم پی جی ڈگری کالج کے طلبہ نے سب سے پہلے مارچ کیا۔ مارچ کی سلامی مہمان خصوصی ایس ڈی ایم نواب گنج ابھے کمار پانڈے نے کی۔ اس کے بعد ایس ڈی ایم نے مشعل روشن کی۔ بعد میں طلبہ کو کھیل مقابلہ بہترین مظاہرہ کے لیے حلف دلائی گئی۔
کھلاڑیوں کی حوصلہ افضائی کرتے ہوئے ایس ڈی ایم نے کہا کہ کسی بھی ملک کی ترقی کا اندازہ اس بات سے بھی لگایا جاتا ہے کہ اس ملک میں کتنے گولڈ میڈلس ہیں۔ اسلیے پڑھائی کے ساتھ کھیلوں پر بھی توجہ دیں۔ اس کے بعد کھیل مقابلوں کا آغاز ہوا۔
دو روزہ اس مقابلہ مختلف مقابلے ہوں گے۔ جن میں لڑکیاں اور لڑکے دونوں شرکت کریں گے۔ منگل کو مقابلے کا اختتام ہوگا۔ جس میں تمام کھلاڑیوں کے ساتھ ڈگری کالج کے ہونہار طلبہ کو اعزاز سے نوازا جائے گا۔
