ریاست اتر پردیش کے ضلع بارہ بنکی میں شیخ عبدالقادر جیلانی رحمتہ اللہ علیہ کے یوم وصال کے موقع پر اُن کے عقیدت مندوں کی جانب سے نذر ونیاز کے علاوہ پُر امن ماحول میں غوثیہ جلوس نکالا گیا۔ اس مارچ میں کثیر تعداد میں عقیدت مند شریک تھے۔
اس موقع پر علماء کرام نے شیخ عبدالقادر جیلانی کی زندگی کے مختلف پہلؤں، اور مذہب اسلام کی تبلیغ کے لئے ان کی جد و جہد اور کاوشوں پر تفصیلی روشنی ڈالی اور عقیدت مندوں کو ان کی تعلیمات پر عمل پیرا ہونے کی نصیحت کی۔
واضح رہے کہ بارہ بنکی ہر سال جلوس غوثیہ بزم غوث الورا تنظیم کی جانب سے جوش و خروش سے نکالا جاتا ہے۔
مزید پڑھیں:بارہ بنکی: ویرانگنا اودا دیوی کی یوم شہادت سے قبل کینڈل مارچ
گزشتہ برس کووڈ-19 کی وجہ سے یہ جلوس نہیں نکلا لا گیا تھا، تاہم صورتحال کے معمول پر آنے کے بعد رواں برس پورے عقیدت و احترام کے ساتھ نکالاگیا۔
یہ جلوس مختلف محلوں سے گذرتا ہوا پیر بٹاون محلے میں ختم ہوا۔
