مکمل طور پر 21 روزہ لاک ڈاؤن کے دوران بارہ بنکی میں اشیاء ضروریہ کے علاوہ تمام دکانیں بند رہیں اور سڑکیں ویران نظر آئیں۔
دن بھر پولیس اہلکار گشت کرتے ہوئے عوام سے گھروں میں رہنے کی اپیل کی۔ خود ضلع مجسٹریٹ ڈاکٹر سنگھ اور پولیس سپرینٹنڈنٹ اوند چترویدی بھی مسلسل گشت کرتے ہوئے اور ہدایات دیتے ہوئے نظر آئے۔
اس موقعے انہوں نے میڈکل اسٹور مالکان کو ہدایت دی کہ وہ لوگوں کو گھر گھر دوا پہنچانے کا انتظام کریں اور دوا دیتے وقت صارفین سے ایک میٹر کی دوری برقرار رکھیں'۔
اس دوران میڈیا سے مخاطب ہوتے ہوئے انہوں نے کہا کہ' لوگ گھروں سے نہ نکلیں اس کے لیے کوشش کی جا رہی ہے کہ ضرور اشیا محلے اور گلیوں تک پہنچائی جائے'۔
انہوں نے کہا کہ' لاک ڈاؤن اچانک ہوئی ہے اس کی وجہ سے پریشانی ہونا لازمی ہے۔ لیکن ہم اپنی غلطیوں سے تجربہ لیکر لوگوں کو سہولیات مہیا کرانے کی کوشش کریں گے'۔
