اکھلیش یادو نے پیر کو جاری بیان میں کہا کہ اترپردیش میں کورونا اور نظم ونسق کے بحران سے لوگ بری طرح سے متاثر اور دہشت زدہ ہیں، ریاست میں دو وزراء کی کورونا سے موت بھی ہوچکی ہے۔ اراکین اسمبلی بھی اس کے شکار ہیں، حالات دن بدن سنگین ہوتے جارہے ہیں۔
انہوں نے کہا کہ اس بیماری میں ڈاکٹر اور سی ایم او کا بھی انتقال ہوچکا ہے، بی جے پی حکومت میں جرائم کے واقعات نہیں رک رہے ہیں۔ پولیس بےگناہوں اور لاچار افراد پر ہاتھ اٹھانے لگی ہے کیونکہ دبنگ لیڈروں اور غنڈوں کے آگے حکومت مجبور ہوجاتی ہے، جرائم اور اقتدار کے خفیہ تعلقات نے پوری ریاست کو بدنام کردیا ہے۔
