رامپور کے ضلع ہسپتال کے نزدیک تلک نگر کالونی میں واقع مینتھال گودام میں اتوار کی شام 7 بجے اچانک آتشزدگی کا واقعہ پیش آیا تھا۔
شدید آتشزدگی کےسبب آس پاس کے مکان اور دکانوں کو بھی خالی کرا لیا گیا تھا۔ آتشزدگی سے جانی نقصان تو نہیں ہوا لیکن مینتھال کاروبار کے ساتھ تقریباً 4 سے 5 دکانوں اور 4 مکانوں میں کروڑوں کا نقصان ہوا تھا۔
مقامی اور فائر بریگیڈز اہلکاروں کی مسلسل کوششوں کے بعد آتشزدگی پر رات 12 بجے قابو پایا جا سکا۔ فی الحال یہ ابھی تک صاف نہیں ہو سکا کہ آتشزدگی کا واقعہ کس وجہ سے پیش آیا تھا۔
پولیس نے اپنی شروعاتی جانچ کے بعد یہ پایا کچھ مینتھال بیوپاریوں نے یہاں ان دکانوں میں بڑے پیمانے پر مینتھا محفوظ کر رکھا تھا۔ جس طرح سے رہائشی علاقے میں اس کا گودام بنایا گیا تھا یہ اپنے آپ میں ایک غیر قانونی عمل ہے۔
ایڈیشنل ایس پی ارون کمار سنگھ میڈیا نمائندوں کو بتایاکہ' پولیس نے پانچ مینتھال بیوپاریوں کے خلاف لاپرواہی کا مقدمہ درج کرکے مزید جانچ پڑتال شروع کر دی ہے۔
