مہوبہ: ٹریکٹر ٹرالی حادثہ کا شکار، ایک ہلاک

اترپردیش کے ضلع مہوبہ کے کھریلا علاقے میں آج دیوی پوجن کے لئے جارہے عقیدت مندوں سے بھری ٹریکٹر ٹرالی کے پلٹ جانے سے اس پر سوار ایک شخص کی موت ہوگئی جبکہ دیگر 40 افراد زخمی ہوئے ہیں۔

سپرنٹنڈنٹ آف پولیس راجیش پانڈے نے بتایا کہ 'پنواڑی علاقے کے بیندو گاؤں سے 40 سے زیادہ مقامی افراد آج بسنت پنچمی پر اپنے بچوں کا منڈن کرانے کے لئے ٹریکٹر ٹرالی پر سوار ہوکر کھریلا کے دھواری واقع کلدیوی کے مندر جارہے تھے۔ اچانک راستے میں ٹریکٹر ٹرالی کا پریس بریک پائپ پھٹنے سے ٹریکٹر بے قابو ہو کر پلٹ گئی۔ حادثے میں خواتین و بچوں سمیت 40 افراد نیچے گر گئے۔'

انہوں نے بتایا کہ 'حادثے کی جانکاری پر فورا پہنچی پولیس اور راہگیروں نے زخمیوں کو اٹھا کر کمیونٹی ہیلتھ سینٹر چرکھاری پہنچایا۔ حادثے میں 70 سالہ میادین کی موقع پر ہی موت ہوگئی۔'

زخمیوں میں 23 افراد کی حالت نازک ہونے پر انہیں علاج کے لئے ضلع اسپتال میں داخل کرایا گیا ہے۔ حالت نازک ہونے پر چار زخمیوں کو جھانسی میڈیکل کالج میں داخل کرایا گیا ہے۔

یو این آئی