ریاست اترپردیش کے ضلع علی گڑھ میں واقع ایل ون اسپتال ہردعا گنج میں کورونا کے چھ اور مریض صحتیاب ہو گئے ہیں، اس طرح اب تک کل 79 مریضوں میں سے 37 مکمل طور سے صحتیاب ہوچکے۔
ضلع علی گڑھ کے ایل ون اسپتال ہردعا گنج سے علی گڑھ کے سلیم، محمد احمد، کاشفہ، گلشن، نرملا دیوی اور وسیم صحتایب ہو کر اسپتال سے فارغ ہو گئے ہیں، اس دوران اسپتال سےت فارغ ہوئے سبھی مریضوں نے طبی عملے اور علیگڑھ انتظامیہ کے عہدیداران کا شکر ادا کیا اور دعا کی کہ اللہ جلد سے جلد سبھی متاثرین کو صحت یاب فرمائے۔
واضح رہے کہ سبھی چھ لوگوں کو کورونا کی تشخیص ہونے کے بعد ہردعا گنج کے L1 اسپتال میں داخل کرایا گیا تھا جس کے بعد اب یہ مکمل طور سے صحتیاب ہوچکے ہیں اور ان کی رپورٹ بھی منفی آئی
چھٹی کے وقت طبی عملہ نے خوشی کا اظہار کرتے ہوئے فاررغ ہوئے سبھی مریضوں کو ہار پہنائے اور تالیاں بجا کر اسپتال سے رخصت کیا۔
علی گڑھ میں کورونا مثبت مریضوں تک مجموعی تعداد 79 تک جا پہنچی ہے، راحت کی بات یہ ہے کہ ان میں محض 34 ہی ایکٹیو کیسز ہیں، 37 افراد مکمل طور پر صحتایب ہو چکے ہیں، جبکہ آٹھ اموات ہو چکی ہیں۔ سبھی مثبت مریضوں کا علاج ایل ون اور ایل ٹو میں جاری ہے۔
