ریاست اترپردیش کے ضلع بہرائچ میں آج سلطان الشہداء فی الہند حضرت سید سالار مسعود غازی رحمۃاللہ کے چچا حضور سید حضرت سیف الدین سالار عرف سرخ رو سالار رحمۃاللہ علیہ کا 1017 واں سالانہ عرس منایا جارہا ہے۔
عرس کی تقریب بعد نماز فجر قرآن خوانی سے ہوئی جس میں سیکڑوں زائرین نے شرکت کی۔ عرس میں مختلف قوموں کے افراد نے شامل ہوکر بارگاہ سرخرو سالار میں اپنی محبت و عقیدت ںذرانے پیش کیے۔
عرس کی تقریب میں زائرین نے قرآن پاک کی تلاوت کی۔ اس کے بعد مولانا محمد مصعب خاں نے حضرت سید سالار مسعود غازی رحمۃاللہ اور حضرت سید سرخرو سالار رحمۃاللہ علیہ کی حالات زندگی پر روشنی ڈالی۔
اس کے بعد قل شریف کا اہتمام ہوا۔ بعدہ قل دعا کی گئی، جس میں ملک میں محبت، امن و امان اور یکجہتی کے قیام کی دعا کی گئی۔
تقریب کے موقع پر محمد علی، جاوید انصاری، مجید احمد، حاجی شبیر احمد، ڈاکٹر اقبال احمد منصوری ،خادم چاند بابو، سید علی وارڈ ممبر، شفیق بابا، حسرت بابا محمد کیف موجود تھے۔ ان حضرات نے عرس میں آئے ہوئے زائرین کا استقبال کیا اور ان کی خدمت میں پیش پیش رہے۔
وہیں حسب روایت زائرین کے لیے لنگر عام کا اہتمام کیا گیا تھا- اس موقع پر قاری عبدالخالق، سلیم احمد، مولانا ضامن علی، مولانا محمد طاہر، غلام حیدر قریشی، مولانا محمد احمد، آفتاب عالم سمیت سیکڑوں زائرین نے حاضر دی۔
