تفصیلات کے مطابق قصبہ ہندواڑہ کے صنعتی علاقے میں ٹائر ری تھریڈنگ یونٹ میں تیزی سے دھواں اٹھتا ہے جو بیحد بدبودار ہوتا ہے اور وہ ہوا میں پھیل جاتا ہے۔ یہ دھواں اکثر ہندواڑہ ٹاون میں بھی داخل ہوجاتا ہے۔ اس تعلق سے مقامی لوگوں نے انتظامیہ سے فوری طور پر فیکٹری کو بند کروانے کا مطالبہ کیا ہے۔ لوگوں نے فیکٹری کو دوسری جگہ منتقل کرنے کےلیے انتظامیہ پر زور دے رہے ہیں تاکہ زہریلے دھواں سے نجات مل سکے۔
مقامی لوگوں کے مطابق یونٹ محکمہ پولوشن کنٹرول بورڈ کی جانب سے وضع کردہ اصولوں پر عمل نہیں کررہی ہے۔ مقامی لوگوں نے بتایا کہ فیکٹری سے دھواں ہندواڑہ ہسپتال تک پہنچ جاتا ہے جس کے سبب ہسپتال میں زیر علاج مریضوں کو بھی کافی مشکلات کا سامنا کرنا پڑتا ہے۔
ہندواڑہ کے لوگوں نے حکام سے درخواست کی ہے کہ اس یونٹ کو فوری طور بند کردے یا اسے دوسری جگہ منتقل کردے۔
ہندواڑہ میں مقامی لوگوں اور خاص طور پر سماجی کارکن عرفان احمد اور مدثر تانترے نے گورنر انتظامیہ سے اپیل کی کہ وہ ٹائر فیکٹری کو بند کردیں یا اسے ہندواڑہ مین ٹاؤن سے دور منتقل کریں تاکہ عوام فیکٹری سے خارج ہونے والے دھوئیں سے نجات حاصل کرسکیں۔
مزید پڑھیں:
وہیں اس معاملے میں تحصیلدار ہندواڑہ بشیر احمد نے بات کرتے ہوئے کہا کہ فیکٹری مالک کے پاس لیگل دستاویزات ہیں، ان کا مزید کہنا ہے محکمہ پولوشن کنٹرول بورڈ کی جانب سے فیکٹری کے پاس تین سال تک یونٹ چلانے کا اجازت نامہ موجود ہے۔
