سری نگر: جموں و کشمیر کے سرحدی ضلع کپوارہ کے ہارل ماور علاقے میں دوران شب آگ کی ایک واردات میں ایک اسکول گاڑی اور سیب کے کم سے کم سو ڈبے خاکستر ہوگئے۔ سرکاری ذرائع نے بتایا کہ ہریل ماور علاقے کے دربل گاؤں میں اتوار اور پیر کی درمیانی شب آگ کی ایک واردات میں ایک نجی اسکول گاڑی خاکستر ہوگئی۔ school vehicle gutted in Kupwara Fire
انہوں نے کہا کہ اس کے علاوہ اس واردات میں وہاں نزدیک ہی رکھے گئے سیب کے ایک سو ڈبے، جن کا مالک محمد جمال شیخ تھا، بھی جل گئے۔ ان کا کہنا تھا کہ تاہم اس واردات میں کسی جانی نقصان کی کوئی اطلاع نہیں ہے۔
یہ بھی پڑھیں: Ganderbal Fire Incident گاندربل میں آگ کی واردات کے دوران تین دکانیں خاکستر
دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔ پولیس کا کہنا ہے کہ آگ لگنے کی وجہ معلوم کی جا رہی ہے۔
یو این آئی
