اس واقعے کا سنجیدہ نوٹس لیتے ہوئے محکمہ تعلیم نے دونوں افراد کو اٹیچ کر دیا ہے۔
مقامی باشندوں کے مطابق جمعرات کو مڈل اسکول کینل میں رہبر تعلیم استاد اور ہیڈ ماسٹر کے مابین کسی بات کو لیکر تکرار ہوئی، تیز کلام کے بعد نوبت ہاتھاپائی تک پہنچ گئی۔
اسکول میں ہنگامہ بپا ہوتے دیکھ طلباء اسکول کے بھاگ گئے تھے، جس پر مقامی لوگوں نے معاملے کو رفع دفع کرتے ہوئے اسکول کو مقفل کر دیا۔
مقامی لوگوں کی جانب سے معاملے پر کارروائی کی مانگ کے بعد محکمہ تعلیم نے دونوں اساتذہ کو اٹیچ کرنے کے احکامات صادر کیے ہیں۔
ریاست جموں و کشمیر کے دور دراز اور پہاڑی علاقوں میں عام طور سے اساتذہ کی کمی، بنیادی سہولیات کے فقدان کو لیکر طلباء احتجاج کرتے رہتے ہیں جس سے انکی پڑھائی پر برے اثرات مرتب ہوتے ہیں۔ وہیں مڈل اسکول کینل میں پیش آیے اس واقعے سے بھی طلباء کی پڑھائی اور مستقبل متاثر ہو رہا ہے۔
