نیشنل ہائے وے اتھارٹی آف انڈیا نے ساڑھے آٹھ کلومیٹر لمبے بانہال قاضی گنڈ فور لین ٹنل پر ٹول ٹیکس لینے کا سلسلہ ہفتے کے روز سے شروع کیا ہے۔اس بیچ ٹنل کے دونوں اطراف کے لوگوں نے نجی گاڑیوں کو ٹول ٹیکس سے مثتثنیٰ رکھنے کی حکام سے مانگ کی ہے۔
اطلاع کے مطابق سیاسی کارکن فاروق احمد بٹ کی قیادت میں منزموہ اور اس کے ملحقہ علاقوں کے مکینوں نے ٹول پلازہ قاضی گنڈ کے نزدیک ٹیکس معاف کرنے اور مقامی نوجوان کو روزگار فراہم کرنے کو لے کر ایک پر امن احتجاج کیا۔
فاروق احمد کا کہنا ہے کہ ٹنل تعمیر ہونے سے اُن کے علاقی کی کافی زمین ٹینل کی زد مین آگئی ہے
ان کے مطابق ٹینل کے کام سے علاقے میں پانی کے حوالے سے بھی بہت مشکلات درپیش ہوئے ہیں۔
انہوں نے ایل جی انتظامیہ سے اپیل کی ہے کہ ٹنل کے دونوں اطرف کے علاقوں کو ٹول ٹیکس سے مستثنیٰ رکھا جائے اور ساتھ ہی مقامی نوجوان کو روزگار فراہم کیا جائے۔
مزید پڑھیں:
اس حوالے سے ایس ڈی پی قاضی گنڈ نے لوگوں کو یقین دلایا کہ وہ معاملہ حکام کے نوٹس میں لائیں گئے اور جلد از جلد انہیں راحت ملے گی۔
ہم آپ کو بتادیں کہ یہ سرنگ جموں صوبے کے بانہال اور جنوبی کشمیر میں قاضی گنڈ کے مابین سڑک کے 35 کلو میٹر کے فاصلے کو 16 کلو میٹر تک کم کردے گی۔ جواہر ٹنل اور شیطان نالہ میں بھاری برفباری اور پھسلن کی وجہ سے ڈرائیورز اور مسافروں کو کافی مشکلات کا سامنا کرنا پڑ رہا ہے اب اس ٹنل کے مکمل ہونے سے انہیں راحت مل سکتی ہے۔
