بی جے پی مہیلا مورچہ ضلع صدر بانڈی پورہ ناہیدہ قمر طلعت کے مکان کو 19 اور 20 فروری کی درمیانی رات کو نامعلوم افراد نے نذر آتش کرنے کی کوشش کی۔ BJP House Set Fire in Bandipora۔ ناہیدہ کا مکان بانڈی پورہ کے بونہ کوٹ علاقے میں واقع ہے۔
نذر آتش کے دروان گھر میں گھریلو سامان کو نقصان پہنچا تاہم پورا مکان محکمۂ فائر اینڈ ایمرجنسی سروس نے بروقت کارروائی کرنتے ہوئے بچا لیا۔
اس واقعہ کے حوالے سے ناہیدہ قمر کا کہنا تھا کہ" سیاسی پارٹی سے منسلک ہونے کی وجہ سے میں پچھلے چند ایک سال سے اس مکان میں نہیں رہتی ہے۔
انہوں نے کہا کہ رات کے دو بجے ان کے پڑوسیوں نے فون ہر انہیں اس واقعہ کے بارے میں مطلع کیا جس کے بعد وہ فوراً یہاں آگئی۔
انہوں نے کہا کہ محکمۂ فائر اینڈ ایمرجنسی سروس نے بروقت کارروائی کرتے ہوئے مکان کو مزید تقصان سے بچا لیا ہے۔ انہوں نے کہا کہ شر پسندوں نے مکان کی کھڑکیاں توڈ کر مکان میں داخل ہو گئے تھے اور یہاں کئی ایک اشیاء کو نقصان پہنچانے کے بعد انہوں نے رسوئی گیس کے ذریعے مکان کو جلانے کی کوشش کی۔
انہوں نے ایس ایس پی بانڈی پورہ سے اس معاملے میں فوراً تحقیقات کرنے کا مطالبہ کیا، تاکہ ان شرپسندوں کے خلاف قانون کے تحت سزا دی جائے گی۔
