ریاست راجستھا کے ضلع کوٹا میں پٹرولیم اشیاء پٹرول۔ڈیزل کی قیمتوں بے تحاشہ اضافے کے خلاف کانگریس کارکنان نے آج مظاہرہ کر کے پٹرول پمپ کا پتلا نذر آتش کیا۔
پہلے سے طے پروگرام کے مطابق کانگریس کارکنان پارٹی کے دفتر پر اکٹھا ہوئے جہاں کانگریس کے ریاستی صدر اور رکن اسمبلی مکیش بھاکر اور شہر کانگریس کے صدر رویندر تیاگی نے کارکنان کے جلوس کو جھنڈی دکھا کر روانہ کیا۔
یہ بھی پڑھیں:
جن ادھیکار پارٹی نے گیس سلینڈر اور پٹرول کی بڑھتی قیمت کے خلاف احتجاج کیا
یہ جلوس کوٹڑی چوراہا واقع کانگریس دفتر سے چل کر چھاؤنی چوراہا پہنچا۔ جلوس میں اونٹ گاڑی پر دوپہیہ گاڑی، کار وغیرہ رکھ کر پٹرول۔ڈیزل کی قیمت میں اضافے کے خلاف ناراضگی کا اظہار کیا گیا۔
چھاؤنی چوراہے پر کانگریس کے کارکنان نے پٹرول پمپ کا پتلا پھونک کر پٹرولیم اشیاء کی قیمتوں میں اضافے کے خلاف احتجاج درج کروایا۔
