راجستھان کے شہری ترقی کے وزیر شانتی دھاریوال نے بھارتیہ جنتا پارٹی (بی جے پی) پر بیس سال میں کوٹہ میونسپل کارپوریشن میں اپنے دور حکومت کے دوران اور جب جب بھی ریاست میں ان کی حکومت رہی، کوٹہ میں بنیادی ترقیاتی کام کرانے میں ناکام رہنے کا الزام لگا یا ہے۔
مسٹر دھاریوال نے کوٹہ جنوبی اسمبلی حلقہ کے مختلف وارڈوں میں انتخابی مہم کے دوران آج الزام لگایا کہ بی جے پی ہمیشہ ہی یہ الزام لگاتی رہی ہے کہ کانگریس کے دور حکومت کے دوران پورا زور سجاوٹ پر دیتی ہے۔ انہوں نے کہا کہ گزشتہ دو دہائیوں میں بی جے پی میونسپل کارپوریشن بورڈ کے دوران شہر میں نہ توسجاوٹ اور نہ ہی بنیادی سہولت کے لئے کام کیا ۔
انہوں نے کہا کہ ریاست میں جب سے کانگریس کی حکومت بنی ہے، تب سے شہر میں بنیادی ترقی کے کام بڑے پیمانے پر چل رہے ہیں۔ اس کے تحت کوٹہ فی الوقت نہ صرف فلائی اوور ، انڈر پاس اور تین پارکنگ مقام بھی زیر تعمیر ہے لیکن شہر میں عام لوگوں کی سہولت کے لئے 20 کمیونٹی عمارتیں تعمیر ہو رہی ہیں۔ شری دھاریوال نے کہا کہ ان کی حکومت کھوکھلی دعوے نہیں کرتی ہے بلکہ اسے زمین پر کام کرکے دکھاتی ہے۔
