ریاست چھتیس گڑھ کے کوربہ میں کاونسلر کی ٹیم نے ردی اشیاء سے کورونا سے لڑنے کے لیے ایک سینیٹائزر مشین تیار کی ہے۔
ضلع دیپکا کی میونسپلٹی کے وارڈ نمبر 9 کے کاونسلر گیا پرساد چندر اور ان کی ٹیم نے ردی اشیاء کو جمع کرکے سینیٹائزر مشین بنائی ہے۔ اس مشین کی مدد سے آس پاس کے علاقوں اور کالونی میں دوائی چھڑکی جارہی ہے۔
کاونسلر گیا چندرا نے بتایا کہ ہم نے دیکھا ہے کہ ایس ای سی ایل اور بلدیہ کی جانب سے بڑی مشینوں سے سڑک کو سفائی کا کام جاری ہے لیکن تنگ گلیوں میں ان گاڑیوں کا پہنچنا کافی مشکل ہے اسی لیے ہم نے ایک چھوٹی سی مشین بنانے کا منصوبہ بنایا۔
اب اس مشین کی مدد سے شکتی نگر، گارون نگر، پراگتی نگر کالونی، ایم ایل اے کے علاقے ہریڈی بازار میں بلدیہ کے علاقے کی گلیوں میں صفائی ستھرائی کا کام جاری ہے۔
یہ مشین وشال شکلا ، انیل دھمن ، لکی ، بوچن کی طرف سے 4 دن کی سخت محنت کے بعد بنائی گئی تھی ، سب ہی اس عظیم مقصد کے لئے گیا چندر کی ٹیم میں شامل تھے۔ اب سب مل کر اس نیک مقصد میں اپنا تعاون دے رہے ہیں۔
