مغربی بنگال کے بیر بھوم ضلع کے شانتی نکیتن میں واقع وشوا بھارتی یونیورسٹی ایک بار پھر سرخیوں میں ہے۔ 'سی پی آئی ایم' کی اسٹوڈنٹس تنظیم 'ایس ایف آئی' نے وشوا بھارتی یونیورسٹی کے وائس چانسلر بدوت چکرورتی کے خلاف محاذ کھول رکھا ہے۔
ایس ایف آئی کے ریاستی صدر سوجن بھٹا چاریہ نے کہا کہ' وشوا بھارتی یونیورسٹی کے موجودہ وائس چانسلر بدوت چکرورتی کو جلد سے جلد استعفیٰ دے دینا چاہیے۔ انہوں نے کہا کہ' یونیورسٹی کے ایک وائس چانسلر کو ہر حال میں سیاست سے دور رہنے کی کوشش کرنی چاہیئے، لیکن وہ ایک مخصوص سیاسی جماعت کے بہت قریب ہیں'۔
انہوں نے کہا کہ' یونیورسٹی کے وائس چانسلر بدوت چکرورتی جتنی جلدی ممکن ہو استعفیٰ دے کر کیمپس چھوڑ کر چلے جائیں۔ ایس ایف آئی کے ریاستی صدر نے کہا کہ' بدوت چکرورتی شہریت ترمیمی ایکٹ اور این آر سی کی حمایت کرتے ہیں'۔
مغربی بنگال کے عوام جب سی اے اے اور این آر سی کے خلاف سڑکوں پر اتر کر احتجاج کر رہی تھے، اس وقت یونیورسٹی کے وائس چانسلر اس ایکٹ کی حمایت کر رہے تھے۔
مزید پڑھیں: دھوپ گوڑی میں سڑک حادثے میں 13 لوگوں کی موت
سوجن بھٹاچاریہ نے کہا کہ' وشوا بھارتی یونیورسٹی کے وائس چانسلر بدوت چکرورتی کے خلاف صدر جمہوریہ ہند کو خط لکھا جائے گا۔ اس کے بعد یونیورسٹی کے وائس چانسلر کے خلاف دھرنا بھی دیا جائے گا۔
