ملک کی دوسری ریاستوں کی طرح مغربی بنگال میں بھی کورونا کی دوسری لہر سے نمٹنے حکومت کی جانب سے متعدد اقدامات کئے گئے ہیں۔ ریاست میں لاک ڈاون کو بھی نافذ کیا گیا لیکن اس دوران عام لوگوں کو کچھ راحت دی گئی۔
ریاست میں کورونا کو پھیلنے سے روکنے کےلیے گائیڈ لائین کو سختی سے نافذ کیا جارہا ہے، جس ے چلتے دوسری لہر کی شدت میں کچھ حد تک کمی دیکھی جارہی ہے۔ وہیں نئے کیسز کے علاوہ اموات میں بھی کمی ہوئی ہے۔ عام زندگی بھی پھر ایک بار ٹریک پر واپس آرہی ہے۔
واضح رہے کہ مغربی بنگال میں کورونا وائرس کے مریضوں کی کل تعداد 13،98،881 تک پہنچ چکی ہے جبکہ اس بیماری سے اب تک 15،813 مریضوں کی موت ہو چکی ہے۔ اس سلسلے میں ای ٹی وی بھارت کے نمایندے نے متعدد ماہرین سے بات کرنے کی کوشش کی لیکن انہوں نے کیمرہ پر کچھ کہنے سے منع کردیا جبکہ بعض ماہرین نے نام ظاہر نہ کرنے کی شرط پر بتایا کہ لاک ڈاون میں نرمی کا فیصلہ حکومت کی جانب سے کیا گیا لیکن وہ اس کے خلاف نہیں ہے۔ انہوں نے عوام سے احتیاطی تدابیر پر سختی سے عمل کرنے کا مشورہ دیا۔ دوسری لہر سے نمٹنے کےلیے مغربی بنگال حکومت کی جانب سے کئے گئے اقدامات کی انہوں نے ستائش کی۔
