کولکاتا: ریاست مغربی بنگال کے کابینی وزیر فرہاد حکیم نے مسلم علاقوں کو منی پاکستان بنانے کے سوال پر کہا کہ وہ بھارت میں پیدا ہوئے، بھارتی ہیں اور مرنے کے بعد یہیں کے کسی قبرستان میں دفن ہوں گے Firhad Hakim Reaction on BJP۔
مغربی بنگال کے شمالی دیناج پور کے اسلام پور تھانہ علاقے میں انتخابی مہم کے دوران ریاستی وزیر فرہاد حکیم نے اپوزیشن جماعتیں بالخصوص بی جے پی کی تنقید کی ۔
انہوں نے کہا کہ فرہاد حکیم نام ہونے کا مطلب ہرگز نہیں ہوتا ہے کہ وہ پاکستانی ہیں اور ان کا کسی پاکستانی سے رابطہ ہے، انہیں صرف ہدف بنایا جاتا ہے۔
ان کا کہنا ہے کہ منی پاکستان کے نام پر سوال کرنے والے کبھی بھی یہ واضح نہیں کرتے ہیں کہ مغربی بنگال کا کون سا علاقہ منی پاکستان بن گیا ہے۔ نشاندہی کر کے دیکھائے تو انہیں جواب دیا جائے گا۔
اسلام پور میں انتخابی مہم کے دوران ریاستی وزیر نے کہا کہ بی جے پی سے کوئی سوال نہیں کرتا ہے۔ ان کے پاس وضاحت کرنے کے لئے کچھ بھی نہیں ہے۔
انہوں نے کہا کہ بی جے پی کے پاس مذہب کی سیاست کے علاوہ کوئی ترقیاتی منصوبہ نہیں ہے۔ اس لئے کبھی منی پاکستان کی بات کرتی ہے تو کبھی مسلمانوں کی۔
مزید پڑھیں:
ان کا کہنا ہے کہ اسلام پور میونسپلٹی کے تمام وارڈوں میں ترنمول کانگریس کی جیت یقینی ہے۔ انتخابی میدان میں اپوزیشن کا کوئی وجود نہیں ہے۔ ان سے مقابلے کی امید بھی نہیں کی جا سکتی ہے Islampur Municipality۔
