کورونا وائرس کے سبب گذشتہ آٹھ ماہ سے مغربی بنگال میں کھیل کود کی تمام سرگرمیاں معطل ہیں کرکٹ ایسوسی ایشن آف بنگال نے دارالحکومت کولکاتا میں کھیل کود کی سرگرمیاں دوبار بحال کرنے کا فیصلہ کیا ہے۔
سی اے بی ذرائع کے مطابق دارالحکومت کولکاتا میں آئندہ 28 نومبر سے کرکٹ کی سرگرمیاں بحال ہو جائیں گی۔
سی اے بی کی جانب سے چھ ٹیموں پر مشتمل ٹی -20 کرکٹ ٹورنامنٹ کا انعقاد کیا جائے گا۔ اس ٹوربامنٹ میں ایسٹ بنگال، موہن بگان، ٹاؤن کلب، تپن میموریل کلب، کالی گھاٹ اور کلکتہ کسٹم کی ٹیمیں شرکت کریں گی۔
کورونا وائرس کی گائیڈ لائن کے تحت چھ ٹیموں پر مشتمل کرکٹ ٹورنامنٹ کرانے کا فیصلہ کیا گیا ہے۔
کرکٹ ایسوسی ایشن آف بنگال کے صدر ابھیشک ڈالمیا کا کہنا ہے کہ' لاک ڈاؤن کے بعد یہ سی اے بی کا یہ پہلا کرکٹ ٹورنامنٹ ہوگا۔ ابھیشک ڈالمیا کا کہنا ہے کہ چھ ٹیموں پر مشتمل کرکٹ ٹورنامنٹ کو کسی بھی قیمت پر کامیاب بنانے کی کوشش کریں گے۔
مزید پڑھیں:
ترنمول کانگریس کے ایک اور رکن اسمبلی ناراض
انہوں نے کہا کہ یہ ٹورنامنٹ ہماری لئے بہت اہم ہے۔ اس ٹورنامنٹ کے ذریعہ مستقبل کی حکمت عملی تیار کی جائے گی، سی اے بی کے صدر کا کہنا ہے کہ فٹبال ایسوسی ایشن آف بنگال نے جس طرح سے آئی لیگ کوالیفائنگ راؤنڈ کا کامیابی کے ساتھ انعقاد کیا تھا ٹھیک اسی طرح ہم بھی چاہتے ہیں۔
