مغربی بنگال کے بی جے ہی کے صدر دلیپ گھوش نے اپنے کارکنان کے نام کھلا خط لکھ کر اسمبلی انتخابات کے لئے تیار رہنے کی ہدایت دی ہے۔
تنازعہ اور اختلافات کے درمیان مغربی بنگال بھارتیہ جنتا پارٹی کے صدر دلیپ گھوش نے اپنے کارکنان کے نام کھلا خط لکھا ہے۔
انہوں نے خط میں لکھا ہے کہ تہوار کے موقع پر اپنے کارکنان کو نیک خواہشات اور مبارکباد پیش کرتا ہوں۔
بی جے پی کے ریاستی صدر نے کہا کہ تمام کارکنان میرے لئے فیملی ممبر ہیں۔ میں آج جو کچھ بھی ہوں ان کی ہی بدولت ہوں۔
دلیپ گھوش نے خط میں لکھا کہ پارلیمانی انتخابات کی طرح اسمبلی الیکشن میں بھی تاریخی کامیابی حاصل کرنی ہوگی۔ ہمیں یہ ثابت کرنے کی ضرورت ہے کہ پارلیمانی انتخابات میں ملی جیت کوئی اتفاق نہیں ہے۔
انہوں نے کہا کہ ہمارے سامنے اپنے آپ کو ثابت کرنے کے لئے بہت بڑا چیلنج ہے۔ اس کا سامنا کرنے کے لئے تمام لوگوں کی مدد کی ضرورت ہے۔
بی جے پی کے ریاستی صدر دلیپ گھوش کا کہنا ہے کہ فیملی میں چھوٹی بڑی باتیں ہوتی رہتی ہیں۔ اس کا ہرگز یہ مطلب نہیں ہوتا ہے کہ فیملی ممبر ایک دوسرے سے الگ ہو جائے۔
رکن پارلیمان کے مطابق اسمبلی انتخابات کی تیاری کے لئے ابھی سے ہی کمر کس لینا کی ضرورت ہے.
انہوں نے کہا کہ متحد ہو کر لڑیں گے تو مغربی بنگال میں گزشتہ پارلیمانی انتخابات سے بھی زیادہ اور تاریخی کامیابی حاصل کر سکتے ہیں۔
یہ بھی پڑھیں: نئی اسکیم سے سیب کے تاجر ناخوش
واضح رہے کہ گزشتہ چند دنوں سے بی جے پی کے ریاستی صدر دلیپ گھوش اور رکن پارلیمان سمترا خان کے درمیان تنازعہ چل رہا ہے۔
تنازعہ کے سبب سمترا خان بی جے پی یوتھ مورچہ کے صدر کے عہدے سے استفعی دینے پر لگے ہیں۔
