لندن سے کولکاتا آنے والی پرواز کے دو مسافروں کے کورونا مثبت پائے جانے کے بعد ایئرپورٹ انتظامیہ نے الرٹ جاری کر دیا ہے۔
نیتاجی سبھاش چندر بوس انٹرنیشنل ایئرپورٹ انتظامیہ کے مطابق آج دن میں لندن سے کولکاتا آنے والی پرواز کے مسافروں کی اسکریننگ اور جانچ کی گئی۔ جانچ کے دوران دو مسافروں میں کورونا سے متاثر ہونے کی تصدیق ہوئی۔
ڈاکٹرز نے کہا کہ دونوں مسافروں کو کورنٹائن میں بھیج دیا گیا۔ ڈاکٹروں کا کہنا ہے کہ لندن سے کولکاتا آنے والی پرواز کے دیگر مسافروں کی بھی جانچ کی گئی۔ تمام مسافر صحتیاب ہیں۔
انہوں نے مزید کہا کہ بین الاقوامی پروازوں کے مسافروں میں کورونا وائرس پاے جانے کا زیادہ خطرہ ہے۔اس لئے بین الاقوامی پروازوں کی بحالی میں زیادہ سے زیادہ وقت لینے کی ضرورت ہے تاکہ اپنے شہر کومحفوظ رکھا جا سکے۔
انتظامیہ نے اگلی ہدایت تک لندن اور کولکاتا کے درمیان تمام پروازوں کو معطل کرنے کا فیصلہ کیا گیا ہے۔تاکہ کولکاتا کو اس بیماری سے محفوظ رکھا جا سکے۔انہوں نے کہا کہ ہمارے پاس اس سے بہتر راستہ کوئی اور نہیں ہے۔
