کولکاتا: ریاست مغربی بنگال کے جنوبی 24 پرگنہ کے کیننگ تھانے کی پولیس نے رکن اسمبلی شوکت ملا کو جان سے مارنے کی دھمکی دینے کے الزام میں دو لوگوں کو گرفتار کر کیا ہے۔ پولیس نے اس معاملے میں ایک گاڑی بھی برآمد کی ہے۔
پولیس نے کہا کہ اس معاملے کی تفتیش ابھی کی جا رہی ہے اور مزید کئی لوگوں کی تلاش جاری ہے Two People Arrested for Threatening MLA Shaukat Mulla۔
پولیس نے گرفتار ملزمین کی شناخت بتاتے ہوئے کہا کہ گرفتار ملزمین کی شناخت عصام ملا اور حشمت ملا کے طور پر کی گئی ہے جب کہ دیگر لوگوں کی تلاش جاری ہے۔
دوسری طرف کیننگ مشرق سے ترنمول کانگریس کے رکن اسمبلی شوکت ملا نے بتایا کہ انہیں جان سے مارنے کی دھمکی مل رہی تھی، چند لوگ سازش میں مصروف تھے۔
انہوں نے کہا کہ پہلے دھمکی کو نظر انداز کر دیا گیا تھا لیکن مسلسل دھمکی ملنے کے بعد جنوبی 24 پرگنہ پولیس سپرنٹنڈنٹ سے ملاقات کرکے انہیں ساری بات بتائی جس کے بعد پولیس نے بروقت کارروائی کر کے اس معاملے میں دو لوگوں کو گرفتار کر لیا ہے لیکن کلیدی ملزم اب بھی فرار ہے۔
مزید پڑھیں:
رکن اسمبلی شوکت ملا نے کہا کہ ترنمول کانگریس کے جنرل سیکرٹری ابھیشک بنرجی، پارٹی کے سنئیر رہنما پارتھو چٹرجی سے اس سلسلے میں بات چیت کر چکے ہیں اور آج وزیراعلیٰ ممتا بنرجی سے ملاقات کریں گے TMC MLA Shaukat Mulla۔
