ترنمول کانگریس کے رکن اسمبلی سمیریش داس کا آج کلکتہ کے سالٹ لیک اسپتال میں انتقال ہوگیا ہے، ایک مہینے قبل وہ کورونا وائرس سے متاثر ہوئے تھے، اس کے بعد سے ہی ان کا علاج چل رہا تھا۔
داس ترنمول کانگریس کے دوسرے رکن اسمبلی ہیں جن کا کورونا وائرس کی وجہ سے موت ہوئی ہے۔ اس سے قبل جون میں تین مرتبہ کے رکن اسمبلی اور ترنمول کانگریس کے خزانچی تمونوگھوش کا انتقال ہوا تھا۔
واضح رہے کہ سمیریش گھوش مشرقی مدنی پور کے ایگرا سے رکن اسمبلی تھے، 18جولائی کو کورونا وائرس کی رپورٹ آنے کے بعد انہیں مقامی اسپتال میں داخل کرایا گیا تھا، 25جولائی کو طبیعت زیادہ خراب ہونے کے بعد انہیں سالٹ لیک اسپتال میں داخل کرایا گیا تھا اور آج صبح ان کا انتقال ہوگیا ہے۔
بنگال میں اب تک 1.16 لاکھ کورونا وائرس کے معاملے درج کیے جاچکے ہیں اور 2,428 افراد کی کورونا وائرس کی وجہ سے موت بھی ہوچکی ہے۔
