ترنمول کانگریس نے کانگریس چھوڑ کر پارٹی میں شامل ہونے والی شسمیتا دیو کو راجیہ سبھا کے لیے نامزد کیا ہے۔ مانس بھونیا کے راجیہ سبھا کی رکنیت سے استعفیٰ دینے کے بعد بنگال کی ایک سیٹ خالی تھی اسی سیٹ پر ترنمول کانگریس نے ان کو نامزد کیا ہے۔
وہ اپنی آبائی ریاست آسام اور تری پورہ میں پارٹی کی تنظیمی ذمہ داریاں بھی نبھارہی ہیں۔ ترنمول نے راجیہ سبھا انتخابات میں سمیتا دیو کو نامزد کیا ہے۔ ذرائع کے مطابق اپوزیشن کی جانب سے امیدوار کھڑا کرنے کا امکان نہیں ہے۔ اس صورت میں، یہ یقین کے ساتھ کہا جاسکتا ہے کہ سابق کانگریس لیڈر کو رکن پارلیمنٹ نامزد کیا جائے گا۔
یہ بھی پڑھیں: غیر منقسم بنگال کی پہلی مسجد شاہی مسجد غازی درگاہ کی تاریخ پر ایک نظر
اس ریاست سے راجیہ سبھا کی ایک نشست فی الحال خالی ہے۔ مانس بھوئیان نے مئی میں رکن کے عہدے سے استعفیٰ دیا تھا۔ 2021 کے اسمبلی انتخابات میں وہ مغربی مدنی پور کے سبانگ سے ترنمول امیدوار بنے جو مانس بھونیا کا پرانا حلقہ اسمبلی تھا۔ الیکشن کمیشن پہلے ہی ان کی خالی نشست کے لیے پولنگ کے دن کا اعلان کرچکا ہے۔ ووٹنگ 4 اکتوبر کو صبح 9 بجے سے شام 4 بجے تک جاری رہے گی۔ نوٹیفکیشن 15 ستمبر کو جاری کیا جائے گا۔ ترنمول کانگریس کی طرف سے اس بار اس نشست کے لیے کون امیدوار ہوگا یہ تمام قیاس آرائیاں آج ختم ہوگئیں۔
