ترنمول کانگریس نے آج الیکش کمیشن سے مشرقی مدنی پور کے کچھ اسمبلی حلقوں میں باہری شرپسندوں کے پناہ لینے کی شکایت کی ہے۔ ترنمول کانگریس کے وفد میں شامل چندریما بھٹاچاریہ اور ڈیریک اوبرائن نے الیکشن کمیشن کے افسر سے ملاقات کرکے ان خدشات کا اظہار کیا ہے۔ ان کا کہنا ہے کہ نندی گرام، ایگرا اور کھیجوری میں باہر سے آئے شرپسندوں نے پناہ لی ہے جو ووٹ کے دن بد امنی پھیلا سکتے ہیں۔
ترنمول کانگریس کی رہنما چندریما بھٹاچاریہ نے اس موقع پر کہا کہ باہر سے بڑی تعداد میں شرپسندوں کو ان علاقوں میں لاکر رکھا گیا ہے جو ووٹ کے دن بدامنی پھیلانے کی کوشش کریں گے۔ ہمارے امیدواروں کو بھی ان سے خطرہ ہے ان کو تحفط فراہم کرنا الیکشن کمیشن کی ذمہ داری ہے۔
اس کے علاوہ ترنمول کانگریس نے مرکزی فورسز پر الزام لگایا کہ مرکزی فورسز ووٹنگ مراکز سے کافی دوری پر تعینات ہیں وہ دیہاتوں کے اندر داخل نہیں ہو رہے ہیں جہاں ان شرپسندوں نے پناہ لی ہے۔ ہمیں خدشہ ہے کہ اگر یہ شرپسند وہاں موجود رہے تو عام لوگ اپنے حق رائے دہی کا صحیح سے استعمال کر سکیں گے۔ ہم پر امن اور منصفانہ الیکشن چاہتے ہیں۔
