مغربی بنگال کے جنوبی 24 پرگنہ کے بھانگوڑ تھانہ کے گھٹک پور میں واقع ایک دکان میں بھیانک آگ لگنے سے تین افراد کی موت ہو گئی۔
آگ کی لپٹیں اتنی تیز تھی کہ دیکھتے ہی دکھتے آس پاس کی نصف درجن دکانیں اس کی زد میں آکر پوری طرح سے جل کر راکھ ہو گئی۔
اس واقعے کے سبب علاقے میں سنسنی پھیل گئی، آتشزدگی کے سبب ٹریفک نظام بھی پوری سے درہم برہم ہو کر رہ گیا۔
فائر بریگیڈ کے پانچ انجن جائے وقوع پر پہنچے اور گھنٹوں کی مشقت کے بعد آگ پر قابو پایا گیا۔
فائر بریگیڈ کے اہلکاروں نے دکان کم کارخانے سے تین افراد کو پوری طرح سے جھلسی ہوئی حالت میں باہر نکالا۔
زخمیوں کو ضلع صدر ہسپتال میں داخل کرایا گیا جہاں تین افراد جس میں ایک نابالغ بھی شامل تھا کو مردہ قرار دیا گیا۔
فائر بریگیڈ کے اہلکاروں کا کہنا ہے کہ آگ لگنے کی وجہ اب تک معلوم نہیں چل سکی ہے۔ ابتدائی تفتیش سے پتہ چلا کہ شارٹ سرکٹ کی وجہ سے یہ واقعہ پیش آیا۔
بھانگوڑ تھانے کی پولیس کا کہنا ہے کہ شارٹ سرکٹ کی وجہ سے ہی یہ واقعہ پیش آیا ہے۔ اس واقعے میں تین لوگوں کی موت ہوئی جس میں ایک نابالغ بھی شامل ہے۔
انہوں نے کہا کہ اس واقعے میں ہلاک ہونے والوں کی شناخت شریف ملا، رقیب ملا اور عتیق ملا کے طور پر ہوئی ہے، عتیق ملا نابالغ ہے۔
اس واقعے کی اطلاع پا کر شہری ترقیاتی وزیر فرہاد حکیم نے جائے وقوع پر پہنچ کر حالات کا جائزہ لیا۔
انہوں نے آتشزدگی میں ہلاک ہونے والے مزدوروں کے اہل خانہ کو تین تین لاکھ روپے معاوضہ دینے کا اعلان کیا۔ انہوں نے کہا کہ وزیر اعلیٰ ممتا بنرجی کی ہدایت پر ہلاک شدگان کے اہل خانہ کو معاوضہ دینے کا اعلان کیا گیا ہے۔
