بی جے پی میں شامل دو ارکان اسمبلی کا دوبارہ ترنمول کانگریس میں شامل ہونے کی قیاس آرائی

وزیراعلیٰ ممتا بنرجی کے ساتھ ملاقات کے بعد شمالی 24 پرگنہ کے نوا پاڑہ اور بنگاوں کے ارکان اسمبلی کے ترنمول کانگریس میں دوبارہ شامل ہونے کی قیاس آرائی تیز ہو گئی ہے ۔

مغربی بنگال کے شمالی 24 پرگنہ کے بنگاوں اور نوا پاڑہ کے ارکان اسمبلی کے ترنمول کانگریس میں دوبارہ شامل ہونے کو لے کر افواہوں کا بازار گرم ہے.

بنگاوں شمال سے رکن اسمبلی بسواجیت داس اور نوا پاڑہ کے رکن اسمبلی سنیل سنگھ کو لے کر بی جے پی کے اعلیٰ رہنماؤں کی پریشانیاں بڑھنے لگی ہے.

وزیراعلیٰ ممتا بنرجی کے ساتھ ملاقات کے بعد شمالی 24 پرگنہ کے نوا پاڑہ اور بنگاوں کے ارکان اسمبلی کے ترنمول کانگریس میں دوبارہ شامل ہونے کی قیاس آرائی تیز ہو گئی ہے۔

بی جے پی کے قومی نائب صدر مکل رائے اور پارٹی کے ریاستی انتخابی مشیر کیلاش وجے ورگھیہ نے دونوں ارکان اسمبلی سے رابطہ تیز کر دیا ہے.

دوسری طرف بی جے پی کے ریاستی صدر دلیپ گھوش کا کہنا ہے کہ دونوں رکن اسمبلی بسواجیت داس اور سنیل سنگھ نے پارٹی سے رابطہ کرنے کے بعد ممتا بنرجی سے ملاقات کی تھی.

ممتا نے سابق کھلاڑیوں اور کلبوں کو مالی مدد دینے کا اعلان کیا

انہوں نے کہا کہ افواہوں پر توجہ دینے کی ضرورت نہیں ہے. دونوں رکن اسمبلی کہیں نہیں جائیں گے.

واضح رہے کہ گزشتہ روز اسمبلی اجلاس کے آخری دن بی جے پی کے ارکان اسمبلی سنیل سنگھ اور بسواجیت داس نے ترنمول کانگریس کی سربراہ اور وزیراعلیٰ ممتا بنرجی سے ملاقات کی تھی.

اس کے بعد ہی سیاسی حلقوں میں دونوں ارکان اسمبلی نے بی جے پی کو چھوڑ کر ترنمول کانگریس میں دوبارہ شامل ہونے کی قیاس آرائی تیز ہو گئی.