ریاستی محکمہ صحت نے مغربی بنگال میں گذشتہ چوبیس گھنٹوں کے دوران کورونا وائرس کے یومیہ نئے کیسز اور اموات میں تیزی سے کمی آنے پر خوشی کا اظہار کیا ہے۔ محکمہ صحت کے مطابق گذشتہ چوبیس گھنٹوں کے دوران ریاست میں 5384 لوگوں میں کورونا کی تشخیص ہوئی ہے۔ یومیہ کیسز میں تیزی سے کمی آئی ہے۔
گزشتہ چوبیس گھنٹوں کے دوران ریاست میں کورونا وائرس سے 95 لوگوں کی موت ہوئی ہے. پہلی مرتبہ لگاتار دوسرے دن موت کی تعداد سو سے کم تصدیق ہوئی ہے۔ ریاستی محکمہ صحت کا کہنا ہے کہ اس وقت سب کچھ حکمت عملی کے تحت چل رہا ہے۔ اس مقام سے کورونا وائرس کی دوسری لہر پر مکمل طور پر بریک لگایا جا سکتا ہے۔
انہوں نے کہا ‘ریاست کے عوام کو جون کے آخر تک کورونا گائیڈ لائن پر سختی سے عمل کرنے کی ضرورت ہے تاکہ آنے والے چیلنجز سے آسانی سے مقابلہ کیا جا سکے’۔
مغربی بنگال کے مختلف اضلاع میں کورونا وائرس کے یومیہ کیسز اور صحتیاب ہونے والوں پر ایک نظر
شمالی 24 پرگنہ :995، صحتیاب :858
کولکاتا :547، صحتیاب، 763
جنوبی 24 پرگنہ :381. صحتیاب، 231
ہوڑہ :297، صحتیاب 210
ہگلی :231. صحتیاب 151
دارجلبگ :364،. صحتیاب 143
جلپائی گوڑی :379،. صحتیاب 132
مغربی بنگال میں کورونا وائرس کے مریضوں کی کل تعداد 14،41،261تک پہنچ چکی ہے جبکہ اس بیماری سے اب تک 16،555ہو گئی ہے۔
دوسری طرف کورونا صحتیاب ہونے والوں کی تعداد 14،11،573 تک پہنچ چکی ہے جسے مثبت نظریے سے دیکھا جا رہا ہے۔ صحتیابی کی فیصد(97.83) میں تیزی سے اضافہ ہوا ہے۔
