شیوسینا کے رہنما اور رکن پارلیمنٹ سنجے راوت نے اطلاع دیتے ہوئے کہا کہ شیوسینا نے مغربی بنگال میں اسمبلی انتخابات نہ لڑنے کا فیصلہ کیا ہے۔
سنجے راوت نے کہا ہے کہ شیوسینا مغربی بنگال میں ہونے والے اسمبلی انتخابات میں حصہ نہیں لے گی۔
سنجے راوت نے کہا کہ پارٹی نے بنگال انتخابات نہ لڑنے اور بنگال کی وزیراعلیٰ ممتا بنرجی کی حمایت کرنے کا فیصلہ کیا ہے۔
انہوں نے کہا کہ سوال یہ پیدا ہورہا تھا کہ کیا شیوسینا بنگال کا الیکشن لڑے گی؟ اس سلسلے میں شیوسینا کے سربراہ ادھو ٹھاکرے کے ساتھ تبادلہ خیال کیا گیا جس کے بعد یہ فیصلہ کیا گیا۔
انہوں نے کہا کہ موجودہ وزیراعلیٰ ممتا بنرجی بنگال کی اصل شیر ہیں۔ لہٰذا شیوسینا الیکشن نہیں لڑے گی اور ممتا بنرجی کی حمایت کرے گی۔
خیال رہے کہ مغربی بنگال میں اسمبلی انتخابات کی تاریخوں کا اعلان ہو چکا ہے جس کے بعد سے ہی سیاسی سرگرمیاں تیز ہو گئی ہیں۔ یہ انتخابات 27 مارچ سے 29 اپریل کے درمیان آٹھ مرحلوں میں ہوں گے۔
واضح رہے کہ مغربی بنگال میں آٹھ مرحلے میں پولنگ ہوگی، جبکہ پہلے مرحلے کی پولنگ 27 مارچ، دوسرے مرحلے کی پولنگ یکم اپریل، تیسرے مرحلے کی پولنگ چھ اپریل، چوتھے مرحلے کی پولنگ 10 اپریل، پانچویں مرحلے کی پولنگ 17 اپریل، چھٹویں مرحلے کی پولنگ 22 اپریل، ساتویں مرحلے کی پولنگ 26 اپریل، آٹھویں اور آخری مرحلے کی پولنگ 29 اپریل کو ہوگی، تاہم ووٹوں کی گنتی دو مئی کو ہوگی۔
