مغربی بنگال میں رواں برس ہونے والے اسمبلی انتخابات سے قبل تمام سیاسی جماعتوں کی سرگرمیاں کافی تیز ہوچکی ہیں۔ انتخابی تیاریوں میں مصروف بایاں محاذ اور کانگریس مل کر الیکشن لڑنے کا فیصلہ کیا ہے۔ دونوں پارٹیوں کے درمیان سیٹوں کی تقسیم کے حوالے سے ہوئی ایک میٹنگ کے دوران 294 سیٹوں میں سے 193 نشستوں پر باہمی اتفاق ہو چکا ہے جبکہ 101 سیٹوں پر فیصلہ آنا باقی ہے۔
ذرائع کے مطابق متفقہ فیصلے کے تحت لیفٹ فرنٹ 101 جبکہ کانگریس 92 سیٹوں پر اپنے اپنے امیدواروں کو انتخابی میدان میں اتاریں گی۔ دونوں اتحادی جماعتوں نے چند دنوں میں باقی 101 سیٹوں پر بھی اتفاق رائے ہونے کا امکان ظاہر کیا ہے۔
لیفٹ فرنٹ کے چیئرمین بمان بوس نے کہا کہ 294 حلقوں میں سے 193 سیٹز کو لے کر اتفاق رائے بن چکی ہے اور 101 سیٹوں کا بھی جلد فیصلہ ہو جائے گا۔ انہوں نے کہا کہ اگلے ماہ فروری میں بریگیڈ ریلی کا انعقاد کیا جائے گا جس میں راہل گاندھی اور پرینکا گاندھی کو مدعو کیا جائے گا۔
