مغربی بنگال کے دارالحکومت کولکاتا سے متصل شمالی 24 پرگنہ ضلع کے یکو پارک کے سامنے بی جے پی کے ریاستی صدر کو عوامی مخالفت و احتجاج کا سامنا کرنا پڑا۔
بی جے پی کے رہنما آج اپنے حامیوں کے ساتھ یکو پارک میں چہل قدمی کے لئے پہنچے تھے تبھی چند لوگوں نے ان کی مخالفت شروع کردی۔
دیکھتے ہی دیکھتے مظاہرین کی تعداد میں اضافہ ہونے لگا جس میں ترنمول یوتھ کانگریس کے رہنما محمد آفتاب عالم بھی اپنے حامیوں کے ساتھ اس میں شامل ہو گئے۔
ترنمول یوتھ کانگریس کے حامی سفید ٹی شرٹ پہنے ہوئے تھے جس پر تحریر تھا سوب بیچے دے بے (سب فروخت کر دیا جائے گا)
پولیس کی مداخلت کے بعد بی جے پی کے رہنما کے لئے وہاں سے جانے کی راہ ہموار کی گئی۔
یہ بھی پڑھیں: بیرونی لوگ بنگال کی ترقی میں بڑی رکاوٹ: بی جے پی
بی جے پی کے ریاستی صدر کا کہنا ہے کہ میرے خلاف کوئی احتجاج نہیں ہوا۔ ترنمول کانگریس اپنی ڈوبتی ہوئی کشتی کو ساحل تک لے جانے کی کوشش کر رہی ہے۔
اسی کوشش کے نتیجے میں ترنمول کانگریس کے رہنما عوام کو زبردستی لے کر احتجاج کر رہے ہیں۔ اس سے کچھ ہونے والا نہیں ہے۔
بی جے پی کے رہنما کا کہنا ہے کہ بھارت کی ترقی کے لئے سرکاری اداروں کی نجی کاری ضروری ہے۔
وزیراعظم نریندر مودی بیت سوج سمجھ کر فیصلہ کر رہے ہیں۔ ان کے فیصلے سے بھارت کو فائدہ ہوگا۔
ترنمول یوتھ کانگریس نیوٹاؤں، راجر ہاٹ صدر محمد آفتاب الدین نے کہا کہ بی جے پی کی قیادت والی مرکزی حکومت کی نجی کاری پالیسی کے خلاف احتجاج کیا گیا۔
انہوں نے کہا کہ مرکزی حکومت تمام منافع بخش سرکاری اداروں کو فروخت کرنے کا فیصلہ کرکے عوام کو نقصان پہنچا رہی ہے۔
